CAROLESIUM

CAROLESIUM

regiuncula Ducatus Burgundiae, cuius caput Caroliae, urbecula lepida, ad amnem Reconsam, 6. leuc. a Cluniaco et Ligeri fluv. sub dominio utili Hispanor. Gallis Carolois. Inter agrum Matisconensem et Burbonium Ducatum. Veterum fuit Burgundiae Ducum, dein ad Borbonios, Armeniacos, tandem ad ultimum Burgundiae Ducem pervenit. Per huius filiam Mariam Austriacae familiae obtigit; cui hôc saeculô a Gallis ereptus, restitutus est Philippo IV. pace A. C. 1659. initâ, superioritate Galliae Regi semper reservatâ. Morer. Verum bellô nuperô a Gallis denuo occupatus, illis pace Neomagensi remansit.